Rritja e Çmimeve të Pronave në Shqipëri për Vitin 2024

Me miratimin e fundit nga qeveria, çmimet  e references për pronat në Shqipëri kanë shënuar një rritje në të gjithë vendin, duke reflektuar trendin e tregut dhe kërkesën e lartë për prona, veçanërisht në zonat urbane dhe bregdetare.

 

Çmimet në Tiranë: Ku gjendet zona më e shtrenjtë?

Në kryeqytet, çmimi mesatar për një metër katror (m²) është rritur në 124,300 lekë, duke reflektuar zhvillimin urban dhe rritjen e kërkesës.

Zona më e shtrenjtë: Pranë Liqenit Artificial, ku çmimi arrin në 227,400 lekë/m².

Zona më e lirë: Njësia 11 (afër Paskuqanit), me një çmim prej vetëm 62,500 lekë/m².

Përtej Tiranës, Njësia Administrative Farkë mban rekordin si zona më e shtrenjtë në vend, me çmime që arrijnë deri në 257,000 lekë/m² për prona pranë liqenit të saj.

 

Çmimet në zonat bregdetare

Zonat bregdetare po ashtu kanë parë një rritje të ndjeshme të çmimeve:

Dhërmiu udhëheq, ku çmimi për një m² arrin në 190,000 lekë.

Kjo tendencë reflekton kërkesën e lartë për prona të pozicionuara afër detit, si për investime, ashtu edhe për përdorim personal.

Qendrat e tjera të qarqeve

Në qytete si Durrësi, çmimet mesatare janë rritur nga 67,500 lekë/m² në vitin 2023 në 71,200 lekë/m². Rritje të ngjashme janë vërejtur edhe në qendra të tjera të qarqeve, ku ndryshimet kanë shkuar deri në 14,000 lekë/m² për një vit.

 

Çfarë do të thotë kjo për ju?

Çmimet e referencës nuk janë thjesht indikatorë të tregut, por ndihmojnë qytetarët dhe bizneset të bëjnë zgjedhje më të informuara për investime. Gjithashtu, këto çmime ndihmojnë Entin Kombëtar të Banesave dhe qeverinë të hartojnë politika më të mira për strehimin dhe fiskalitetin.

Rritja e çmimeve të pronave reflekton zhvillimin ekonomik dhe kërkesën në rritje, por gjithashtu vë në pah nevojën për të menduar me kujdes për investimet. Zonat urbane dhe bregdetare mbeten më të kërkuarat, duke ofruar mundësi të mira për investime afatgjata.

Për të gjithë ata që planifikojnë të blejnë ose investojnë, këto referenca janë një udhëzues i çmuar për tregun e pronave në Shqipëri.

Gjithashtu mund te lexoni: Cilat jane kostot e shitjes se shtepise?

 

• Share On :